အာကာသလမ်း

ဘ၀ဆိုတာ
အရူးမောင်းလာတဲ့ လေယာဉ်ပျံကိုစီးလာရတာပဲ။

ပိုပြီး
ပျော်ပျော်ရွှင်ရွှ့င်နေဖို့စဉ်းစားတယ်
ပြန်ဆင်းလို့ မရတော့ဘူးကိုး။

                                           (သုခမိန်လှိုင်)

သဝဏ်လွှာ"

ရွတ်ဆိုစရာ
အသံမှာ ခွန်အားမရှိတော့။
ဘဝဆိုတဲ့ ရေးကြီးသုတ်ပျာတွေ
အလှဆိုတဲ့ ဝမ်းတခါးတွေ
မေးပါများလည်း စကားမရတော့ဘူး
သွားပါများလည်း ခရီးမရောက်တော့ဘူး။
ပျော်ပျော်နေကြည့်ခဲ့ပါတယ်
ကိုယ်စား
အလင်းရောင်ကို ရှာဖွေခဲ့ပါတယ်
ဘယ်အချိန်သေမယ် မသိတဲ့
သေခဲဆိုတဲ့ လက်ကျန်ပျော်ရွှင်မှုလေးနဲ့
သူငယ်ချင်းများထံ ကဗျာတွေ ရေးပို့လိုက်ပါတယ်။
မိတ်ဆွေ
ခင်ဗျားကော
ညည ကောင်းကောင်းအိပ်ပျော်ပါရဲ့လား။ ။

လူဇော်သစ်

ကိုင်းဖျားလရိပ်

ကိုင်းဖျားလရိပ်

ဆောင်းအိုရဲ့ နိဂုံးမှာ
နွေဦးက ပြုံးပြုံးလေးဝင်လာပြီ

ညညဆို
လေပူတွေ ဝှေ့လွန်းလို့
ကျောတစ်နေရာစာ
အိပ်မက်ကလေးကို
ရေပြန်ပြန် နူးနေရတယ်

ခြံထောင့်က စံပယ်ရုံလေးမှာ
ရနံ့တွေ အိုင်ထွန်းနေပြီ
ညမွှေးပန်းက လေပြေကိုနမ်းတော့
ပိတောက်တစ်ခက် စိမ်းသွားတယ်
အဲဒါ..
သစ္စာရှိတဲ့ ညပေါ့

ငုဝါတွေရယ်
တမာတွေရယ်
မကြာမကြာ နှာမှုတ်တတ်တဲ့
နွားတင်းကုတ် ကလေးရယ်
လရောင်အကြိုအကြားမှာ
စကားတင်းဆိုနေကြပြီ

ဆိုပါစေလေ
သူတို့နဲ့ မကင်းရာမကင်းကြောင်းမှာမှ
ကိုင်းဖျားကလရိပ်လေးကို မျှော်ငေး
ကိုယ်က ဆွေးခဲ့မိပြီကိုး ..

ခရောင်းလမ်းမှာ
ခြေထောက်ကို ဆီးကြိုတာပဲ
ပတ်ကြားအက်တွေနဲ့လည်း
လိုက်ဖက်ပါတယ်

ဟောသည်မှာ
တရုတ်စကားပင်တွေက
ပင့်သက်ကို သာသာညင်ညင်ချ
ချိတ်ဆွဲထားတဲ့ လရိပ်ကို
ဖြေးဖြေးဖွဖွ တွန်းပို့လို့
ဒဏ်ရာညများစွာကို
မီးစိမ်းပြလိုက်ကြပေါ့ ..

ညိမ်းညို

နှစ်ထောင့်ဆယ့်တစ်

အပြစ်မရှိဘူး အပြစ်ရှိတယ်
မကြားချင်ဘူး ကြားနေတယ် ..။
တချို့  အပြစ်တွေမှာ မပစ်နိုင်တာတွေ ပါတယ် ..။
တဇောက်ကန်း ယုံကြည်ချက်တွေ ပါတယ် ..။
အန္တာရယ်များတဲ့ လောကကြီးကို အန်တုခြင်းတွေ ပါတယ် ..။

မနေနိုင်မထိုင်နိုင် အဲ ဇာတ်ခုံမှာ ကမိတော့
ငါက ပြိုင်ဘက်ကင်း ငမိုက်သားပဲ ...။
ကျေးဇူးပဲ လောကဒါဏ် ..
ဘယ်တော့မှ မရိုးအီတဲ့ ရိုက်ချက်တွေ အတွက်
ဒီနှစ် အကယ်ဒမီလည်း ခင်ဗျားပဲ ဖြစ်သင့်ပါတယ် ..။
နှစ်ထောင့်ဆယ့်တစ်မှာလည်း ဆက် တစ်ဦးမှာပေါ့ ..
စစ်တွေဖြစ်နေကြဦးမှာပဲ..။
ဘာမှ စိတ်ပူစရာမလိုဘူး ...
အချစ်နဲ့ ပေါင်မုန့်မရှိလည်း ...
ကိုယ့်နည်းကိုယ့်ဟန်နဲ့ ဘ၀ကို ရောင့်ရဲနေလိုက်လို့ ရတယ် ..။

ဒါက စိတ်ရှုပ်လို့ ရေးတဲ့စာ ...
ရီရင်လည်း ရီ.. ငိုရင်လည်း ငို..
ပြုံးပြုံးကြီးကြည့်ပြီးတော့ လှည့်ထွက်မသွားနဲ့..
ရင်ထဲမှာ ဘာမှန်းမသိတဲ့ အရာတွေ ဘာတစ်ခုမှ
လက်ခံမထားချင်တော့လို့...
တွန်း ဖယ် ထား တယ် ..
ခဏလောက် ငါ့ကို ရုန်းထွက်ခွင့်ပေး ..။

အိပ်မက်တွေလည်း မကောင်းတာ ကြာပြီ ...
မကောင်းတာတွေ မမက်အောင် မအိပ်ရရင်ကောင်းမှာပဲ
ဘာလုပ်ရမလဲ ...
စစ်ထဲပဲ ၀င်ရမလား
စစ်မှုပဲ ထမ်းရမလား ..
၅ သိန်းတန် ဖုန်းဝယ်ရမလား ..
၃၁ စီးရမလား ..
ကော်ဖီသောက်ပါ !
လဘ္ဘက်ရည်သောက်ပါ !
ေ-ာက်အမျိုးမျိုးပြောထားတဲ့ Billboard တွေကိုပဲ
ဖြတ်သွားဖြတ်လာ ဆဲနေမိတယ် ... ။

ရပ်

တော်ပြီ

ဒီအကြောင်းပြောရင်

စက္ကူကပ်နေတဲ့ မုန့်လုံးစားနေရသလို

ဖွယ်တယ်တယ်ကြီး ဖြစ်မှာ..

တော်ပြီ

ဒီအကြောင်းပြောရင်

ညှီစို့စို့နဲ့ စက်တင်ဘာလည်း ပါလာဦးမှာ...

တော်ပြီ

ဒီအကြောင်းပြောရင်...

ဖုန်းလိုင်းတွေ ပြတ်ပြီး ကွန်နက်ရှင်တွေ ကျသွားမှာ..

[စိုးရိမ်ရတယ် ...

ငါတို့ခေတ်က မုန်တိုင်းစော်နံလို့..

ကန်းလွန်းပါတယ်ကွာ..

ကမ်းမြင်ဖို့တော့ အဝေးကြီးပဲ..

အနေအထားကိုက နင်ရော ငါရော

အရူးစွတ်စွဲတာ ခံနေရတာကလား ]

တော်ပါပြီ

လူကြိုက်နည်းတဲ့ အမှန်တရားလည်း ..

တော်ပါပြီ...

ဖုန်ထူနေတဲ့ ရွေးကောက်ပွဲလည်း ..

တော်သင့်ပြီ..

ခြင်ဆေးခွေ ယဉ်ကျေးမှုနဲ့ ဖယောင်းတိုင် ယဉ်ကျေးမှု၊

လူတွေလည်း မီးခိုးတွေ တအူအူနဲ့..

ချို့ တဲ့မှုတွေ စားသုံးဆဲ...

ချုပ်ရိုးပြေသံချပ်ကာထဲ

ဘာကိုမှ အာမခံနဲ့။

တော်လိုက်တော့.. ။

ခင်ဗျား မသိဘူး

လူတန်းစားခွဲခြားတဲ့ ကွန်ကရစ်လမ်းမကြီးမှာ

သောက်ရေးမပါတာတွေပဲ

ခေတ်မှီဖွံ့ဖြိုးတိုးတက်တယ်

ဒါနဲ့များ မြို့အင်္ဂါရပ်နဲ့အညီ ဘာညာကွိကွတွေ

တော်ပါတော့...။

အားနာစရာပဲ ရန်ကုန်ရေ...

ခင်ဗျားကို ချစ်မိလို့ကျုပ်မှာ လူရာမ၀င်တော့ဘူးတဲ့ ..။

တကယ်ပဲ

ဒီနေရာမှာ..

တော်ပါပြီ ...။ 

မိုးရာသီ အရိုင်းတေး ..

သည်းသည်းမည်းမည်း ရွာချလာတဲ့ မိုးစက်တွေထဲမှာ...ဘယ်နတ်ဆိ

ုးရဲ့ ကျိန်စာမျိုးနဲ့ နာကျည်းချက်တွေပါနေမလဲ...။
မေ့လွယ်ပျောက်လွယ် နေ့ရက်တွေထဲ အိပ်မက်အသေတွေနဲ့ တုတ်နှောင်ခဲ့တဲ့ မှော်ဆရာရေ.... ကံကြမ္မာဆိုးတွေကိုချည်း တနင့်တပိုးလက်ဆောင်ထားခဲ့တာ ကျေးဇူးတင်မဆုံးဘူး..။
ခင်ဗျား နှင်တံတချက်အဝှေ့မှာတင် မှိုင်းရီ မှုန်ဝါး အုံ့ဆိုင်းခဲ့ရတာ...။ ကျုပ်တစ်ယောက်တည်းကိုပဲ ထစ်ချုန်းရွာတဲ့ မိုးလေလားလို့ မေးပစ်ချင်တယ်...။
အနားသတ်မရှိတဲ့ စိတ်မိုက်ကို ဘောင်ခတ်ထားပစ်နိုင်တဲ့ ခင်ဗျားအပြုံးမှာ ကျုပ်ဆိုတဲ့ကောင်ကလည်း ရွာရန်ရာနှုန်းအပြည့်နဲ့ ပြိုဆင်းချင်နေတော့လည်း ခက်သားလား ...။
တွေတွေ ငေး ငေး..တွေတွေငေးငေး.. ကိုယ့်နှုတ်ခမ်းကိုယ်ကိုက် နာကျင်နေပလိုက်တယ် ..
သြော် ..၀မ်းမနည်းကြေးလို့ ဆိုခဲ့ကြပေမယ့်လည်းလေ...။ အယောင်ယောင်အမှားမှားနဲ့ မိုးထဲမှာတောင် မိုးထပ်ရွာတယ် ...။ ကျေးဇူးပြုပြီး အောက်စီဂျင်ပါတဲ့ အကြည့်တွေနဲ့ပဲ ကြည့်ပါ..။

ဒါနဲ့ ခင်ဗျားပေးတဲ့ အလင်းတွေက တဆိတ်လောက် မကြမ်းလွန်းဘူးလား...အမှောင်ထဲမှာတောင် ရုပ်ပျက်ဆင်းပျက် လောင်ကျွမ်းလွန်းတယ်..။ အရိုင်းဆန်ဆန်နဲ့ ဗြောင်းဆန်အောင် ကြေကွဲနေရတာတာ... ကြေကွဲနေရတာ....။ ပြောင်းပြန်ကြီး ရီနေရလွန်းလို့လည်း နှလုံးခုန်သံစည်းချက်တွေက ကစဥ့်ကလျားနဲ့ ..အောင့်သီးအောင့်သက် ...။ ဘာတွေဖြစ်မလဲ...လွဲလွဲကြီး လွမ်းနေရင်းနဲ့..သံသရာတစ်လျှောက် ဝေး ဝေးကြီးကို လွဲရဦးမယ်...။

ကံကြမ္မာကို မုန်းတယ်...။ အဆိပ်တစ်ခွက် ခဏပေးပါ ခရမ်းရောင်ရေ... လောင်ကျွမ်းပြာမကျသေးသရွေ့တော့ ညှိုးကြေနေရဦးမှာပေါ့.. အဟက်..! ဘာဖြစ်လဲ.. ဘာဖြစ်သွားလဲ ... ဘာဖြစ်ဖို့ရှိဦးမှာတဲ့လဲ... ။

ဆုတောင်းမမှားခဲ့ပါဘူး...ဆုတောင်းများခဲ့ရုံ သက်သက်ပါ...ခင်ဗျားအတွက်နဲ့ ကျုပ်အတ္တတွေကို တနင့်တပိုး ရေစက်ချလိုက်မိတာလည်း ပါမပေါ့..။ ခုမှတော့ သောက်နောင်တလည်း ရမနေချင်ဘူး..ရှိပါစေတော့ ရှိစေတော့..။
မုန်းဖို့ချစ်ခဲ့တာမဟုတ်လို့ 'မုန်းပစ်လိုက်ပါ' ဆိုတဲ့ စကားကို ရနံ့ဟောက်ပက်နဲ့ မပြောစမ်းပါနဲ့ ....။
ဟာသပဲ..။ ဖြစ်နိုင်မယ်ဆိုရင် ခင်ဗျာ့အနားက ညှင်းသိုးသိုးလူတွေအားလုံး ဖြူဖွေးသန့်စင်သွားတဲ့အထိ ဟားတိုက်ရယ်မောပလိုက်ချင်တာ...! ဒါက သိုးမည်းပုရပိုက်မှာ စူးနေတဲ့ ကျိန်စာ ...(ခင်ဗျား မဖြစ်သင့်ဘူး)
(ခင်ဗျား မဟုတ်ဘူး...။)
သွားစမ်းပါတော့ .... အသည်းကွဲတာ မသေလောက်ပါဘူးတဲ့ ..သိပ်ဟုတ်တာပေါ့ ....
နာနာကျည်းကျည်း အလဲလဲအပြိုပြိုနဲ့ လူလိုသူလို ဖြစ်မနေတာကလွဲရင် သာမာန်ကာလျှံကာပါပဲ..။ ခေါင်းမော့ရင်ကော့ပြီး လမ်းလျှောက်ဖို့တော့ အချိန်နည်းနည်းယူရဦးမှာပေါ့လေ...။ ဒီထက်မပို မလိုဘူး..။ ဓါးနဲ့ထိုးခံလိုက်ရတဲ့ ဒါဏ်ရာကို အပ်စူးတာလောက်ပဲသိတဲ့ အကြင်နာမျိုးနဲ့ လာနှစ်သိမ့်နေတာဆိုရင်တော့ ခင်ဗျား ခပ်ဝေးဝေးမှာ ကျောခိုင်းနေတာ ပိုကောင်းလိမ့်မယ်..။
ဘာမှလည်း သောက်ကြီးသောက်ကျယ်တွေ မလုပ်ချင်ဘူး...။ အရာအားလုံးဟာ အံဝင်ခွင်ကျ လွဲချော်ခဲ့ပြီးသား မဟုတ်လား ..။ ရီမယ်ဆို ရီနေလိုက်လို့ရတယ်...။ စူးစူးဝါးဝါးနဲ့ အသံထွက်မလှတာတော့ နည်းနည်း သည်းခံပေါ့ဗျာ..။ နောက်တော့လည်း.. ဖာသိဖာသာ ဖြစ်သွားမှာပါ..။

ဂါထာဆန်တဲ့ စကားလုံးအချို့ နဲ့ ခပ်ပြတ်ပြတ် ညနေတချို့  ..မတော်တဆကျကျန်ခဲ့တာလွဲရင်.. အရာအားလုံးဟာ သာမန်ထက်လွန်ပြီး ပုံမှန်ဖြစ်ပါတယ်..။


အလံဖြူပြပြီး နှုတ်ဆက်ဖို့တော့ မတောင်းဆိုပါနဲ့ . ခင်ဗျားအလိုက်သိရမှာ.. ဒီကြိုးဝိုင်းထဲ ၀င်လာကတည်းက အသက်နဲ့အသက်ကို လောင်းကြေးထပ်ထားခဲ့ပြီးသားဆိုတာ.. .!
အဟက်..! လူစွမ်းကောင်းကြီးတော့ မဟုတ်ဘူးပေါ့ဗျာ..။ ဒါပေမယ့် သွေးပျက်စရာအရှုံးကိုတွေ့နေမှတော့ ကိုယ့်ရင်ကိုယ် ရွက်ကုန်ဖွင့်ပြီး မုန်တိုင်းကိုလည်း ပြေးဆောင့်ဖို့ ၀န်မလေးဘူးပေါ့..။ ဒီလိုပဲ ကျုပ်က တခါတခါ ၀တ်ကျေတန်းကျေ ရိုင်းတတ်တယ်..။

တောင်းပန်ရိပ်ညှိုးမျက်ဝန်းတစ်စုံနဲ့ တိမ်တိုက်ထဲတိုးဝင်သွားတဲ့ လေယဉ်.....ဘယ်လို ဂတိဂ၀တ်နဲ့မှ မချုပ်နှောင်ခဲ့ဘူး ..... ဒီလိုချစ်ခြင်းမျိုး ဘယ်ခေတ်မှာမှ ပွင့်ဖူးတော့မှ မဟုတ်ဘူး ဆိုတာ ထပ်ခါထပ်ခါ နားလည်ရင်းနှဲ့ ရှတတ အဲဒီနေ့မှာမှ မိုးမိခဲ့တယ်.. သိပ်တော့ မဆန်းဘူးလေ...။
သေချာတာတော့ သေနေတော့ လမ်းပဲ..။ မသေမချင်းတော့ သေအောင်ဆက်လျှောက်ရဦးမယ်..။ ကျုပ် ရာဇ၀င်တစ်ခုလုံး 'အုန်း' ခနဲ ပြိုကျတဲ့အထိပေါ့..။.


summer way [August 4 f*ckin2010]